मुंबई : देवेंद्र फडणवीस सरकारचे खातेवाटप झाले आहे. खातेवाटपाचा मुहूर्त आज साधण्यात यश आलंय. देवेंद्र फडणवीस यांच्याकडे गृहमंत्रीपद देण्यात आले आहे. तर अजित पवार यांच्याकडे अर्थखाते देण्यात आले आहे.
मागील काही दिवसांपासून प्रतिक्षा लागून राहिलेले खातेवाटप अखेर जाहीर झालं आहे. त्यानुसार गृहमंत्रीपद अपेक्षेप्रमाणे मुख्यमंत्री देवेंद्र फडणवीस यांनी आपल्याकडेच ठेवले आहे. तर एकनाथ शिंदे याच्याकडे नगरविकास आणि गृह निर्माण मंत्रीपद देण्यात आले आहे. यासोबतच शपथ घेतलेल्या सर्व आमदारांना देखील खातेवाटप करण्यात आले आहे. त्यामुळे आता राज्य कारभाराला वेग येण्याची शक्यता आहे.
फडणवीस सरकारचा मंत्रीमंडळ विस्तार आणि खातेवाटप झाले आहे. त्यानंतर आता मोठी माहिती समोर येत आहे. भाजप, राष्ट्रवादी आणि शिवसेनेच्या मंत्र्यांना आपला स्टाफ नेमताना मुख्यमंत्र्यांची परवानगी घ्यावी लागणार आहे. मुख्यमंत्र्यांच्या परवानगीनंतरच मंत्र्यांना त्यांचे खाजगी सचिव, पीए, विशेष कार्यकारी अधिकारी आणि इतर अधिकाऱ्यांच्या नेमणुका करता येणार आहेत. दरम्यान, 2014 ला फडणवीसांनी असाच निर्णय घेतला होता. देवेंद्र फडणवीस यांनी मुख्य सचिव, विविध विभागांचे अतिरिक्त मुख्य सचिव, प्रधान सचिव आणि विविध विभागांचे सचिव यांची बैठक घेतली. सरकारचा कारभार पारदर्शक, गतिमान आणि प्रामाणिकपणे चालेल असे त्यांनी स्पष्ट केले.
खासगी सचिव, पीए आणि विशेष कार्यकारी अधिकाऱ्यांनी आणि स्टाफच्या नेमणुकीची लगबग सुरू झाली आहे. या मंत्र्यांच्या स्टाफ नेमणुक करताना आता मुख्यमंत्री देवेंद्र फडणवीस यांची परवानगी घ्यावी लागणार आहे. महाविकास आघाडी सरकारच्या काळातील वादग्रस्त अधिकाऱ्यांच्या नियुक्त्या रोखण्यासाठी मुख्यमंत्री फडणवीस यांचा प्रयत्न आहे. महायुतीमधील घटक पक्ष असलेल्या भाजपसहित राष्ट्रवादी काँग्रेस अजित पवार गट आणि शिवसेना शिंदे गटाच्या मंत्र्यांनाही येत्या काळात जर नवीन स्टाफची नेमणूक करायची असेल तर मुख्यमंत्र्यांची परवानगी घ्यावी लागणार आहे. मुख्यमंत्र्यांच्या परवानगीनंतरच मंत्र्यांना त्यांचे खासगी सचिव, पीए, विशेष कार्यकारी अधिकारी आणि इतर अधिकाऱ्यांच्या नेमणुका करता येणार आहेत.
उपमुख्यमंत्री एकनाथ शिंदे यांना नगरविकास आणि गृहनिर्माण खातं देण्यात आलं आहे. त्यांनी गृह मंत्रालय मागितले होते. मात्र गृहमंत्रीपद मुख्यमंत्री देवेंद्र फडणवीस यांनी आपल्याकडेच कायम ठेवले आहे. तर अजित पवार यांना अर्थमंत्री करण्यात आले आहे. महसूल खातं चंद्रशेखर बावनकुळे यांच्याकडं देण्यात आलं आहे. गुलाबराव पाटील यांना पाणीपुरवठा मंत्री करण्यात आले. उदय सामंत उद्योगमंत्री झाले आहेत.
राज्यात गृहमंत्रीपद मिळावे, यासाठी शिंदे गट आग्रही होता. मात्र भाजपने हे खाते स्वतःकडेच ठेवण्यात यश मिळवले आहे. बहुप्रतिक्षित खातेवाटप अखेर जाहीर झाले असून त्यामध्ये देवेंद्र फडणवीस गृह खाते सांभाळणार आणि एकनाथ शिंदे यांना नगरविकास आणि गृहनिर्माण मंत्री म्हणून जबाबदारी पार पाडावी लागणार, हे आज स्पष्ट झाले. दरम्यान गृहमंत्रीपद न मिळणे हा शिंदे गटासाठी झटका आहे, अशी चर्चा सुरु झाली आहे.
○ ‘या’ जिल्ह्याच्या पालकमंत्रीपदावरुन रस्सीखेच !
महायुतीमध्ये मंत्रिपदावरुन रस्सीखेच पाहायला मिळत होती. पण आता पालकमंत्रीपदावरूनही रस्सीखेच सुरु आहे. पुण्याचे पालकमंत्रीपद अजित पवारांना मिळणार की चंद्रकांत पाटलांना अशी चर्चा सुरु आहे. तर छत्रपती संभाजीनगरच्या पालकमंत्रीपदावरुन संजय शिरसाट व अतुल सावे, बीडच्या पालकमंत्री पदावरुन पंकजा मुंडे व धनंजय मुंडे, रायगडच्या पालकमंत्रीपदावरुन आदिती तटकरे व भरत गोगावले यांच्यात रस्सीखेच पाहायला मिळत आहे.
● ‘या’ नेत्यांना कमी वजनाचे खाते मिळाल्याची चर्चा
भाजपचे वजनदार नेते अशी ओळख असणाऱ्या पंकजा मुंडे, राधाकृष्ण विखे पाटील, गिरीश महाजन, यांना कमी वजनाची खाती मिळाली असल्याची चर्चा आहे.
पंकजा मुंडे- (2014-महिला व बालविकास)
(2024-पर्यावरण)
राधाकृष्ण विखे पाटील- (2019-महसूल)
(2024-जलसंपदा) गिरीश महाजन (2019 ग्रामविकास व
पंचायत राज) (2024-आपत्ती व्यवस्थापन)
● कॅबिनेट मंत्री
—————————
1.चंद्रशेखर बावनकुळे – महसूल
2.राधाकृष्ण विखे पाटील – जलसंधारण ( गोदावरी व कृष्णा खोरे विकास)
3.हसन मुश्रीफ – वैद्यकीय शिक्षण
4.चंद्रकांत पाटील – उच्च व तंत्रशिक्षण, संसदीय कामकाजमंत्री
5.गिरीश महाजन – जलसंधारण (विदर्भ, तापी, कोकण विकास), आपत्ती व्यवस्थापन
6.गुलाबराव पाटील – पाणीपुरवठा
7.गणेश नाईक – वन
8.दादाजी भुसे – शालेय शिक्षण
9.संजय राठोड – माती व पाणी परीक्षण
10.धनंजय मुंडे – अन्न व नागरी पुरवठा आणि ग्राहक संरक्षण
11.मंगलप्रभात लोढा – कौशल्य विकास, रोजगार, उद्योग व संशोधन
12.उदय सामंत – उद्योग व मराठी भाषा
13.जयकुमार रावल – विपणन, प्रोटोकॉल
14.पंकजा मुंडे – पर्यावरण व वातावरण बदल, पशुसंवर्धन
15.अतुल सावे – ओबीसी विकास, दुग्धविकास मंत्रालय, ऊर्जा नुतनीकर
16.अशोक उईके – आदिवासी विकास मंत्रालय
17.शंभूराज देसाई – पर्यटन, खाण व स्वातंत्र्य सैनिक कल्याण मंत्रालय
18.आशिष शेलार – माहिती व तंत्रज्ञान
19.दत्तात्रय भरणे – क्रीडा व अल्पसंख्याक विकास व औकाफ मंत्रालय
20.अदिती तटकरे – महिला व बालविकास
21.शिवेंद्रराजे भोसले – सार्वजनिक बांधकाम
22.माणिकराव कोकाटे – कृषी
23.जयकुमार गोरे – ग्रामविकास, पंचायत राज
24.नरहरी झिरवाळ – अन्न व औषध प्रशासन
25.संजय सावकारे – कापड
26.संजय शिरसाट – सामाजिक न्याय
27.प्रताप सरनाईक – वाहतूक
28.भरत गोगावले – रोजगार हमी,फलोत्पादन
29.मकरंद पाटील – मदत व पुनर्वसन
30.नितेश राणे – मत्स्य आणि बंदरे
31.आकाश फुंडकर – कामगार
32.बाबासाहेब पाटील – सहकार
33.प्रकाश आबिटकर – सार्वजनिक आरोग्य आणि कुटुंब कल्याण
—————————
—————————
● राज्यमंत्री (State Ministers )
34. माधुरी मिसाळ – सामाजिक न्याय, अल्पसंख्याक विकास व औकाफ मंत्रालय, वैद्यकीय शिक्षण
35. आशिष जयस्वाल – अर्थ आणि नियोजन, विधी व न्याय
36. मेघना बोर्डीकर – सार्वजनिक आरोग्य, कुटुंब कल्याण, पाणी पुरवठा
37. इंद्रनील नाईक – उच्च आणि तंत्र शिक्षण , आदिवासी विकास आणि पर्यटन
38. योगेश कदम – गृहराज्य शहर
39. पंकज भोयर – गृहनिर्माण,
